नामदेवाच्या किर्तनी जनी गाई अभंगाला

                                                                                                     मागे
नामदेवाच्या किर्तनी जनी गाई अभंगाला ।
रंगी रंगला पांडुरंग किर्तनी रंगला ।। धृ ।।
नामदेवाच्या किर्तनात आला तुकोबा आला ।
विणा घेऊनि खांद्यावरी गाई विठ्ठल विठ्ठला ।
विठ्ठल गजरात, स्वंय विठ्ठल दंगला ।। १ ।।
नामदेवाच्या किर्तनात आला ज्ञानोबा आला ।
वेद शास्त्र हरीपाठ मार्ग भक्तीचा दाविला ।
ह्या किर्तनी सोहळ्यात भक्त भक्तीत रंगला ।। २ ।।
नामदेवाच्या किर्तनात आला सावतामाळी आला ।
भाव भक्तीचा फुलविला मळा, देव हृदयी दाखवला ।
सावता माळ्याच्या हृदयात, विठ्ठल लपूनी राहिला ।। ३ ।।