हे शिवशंकर गिर्जातनया

                                                                                       मागे
हे शिवशंकर गिर्जातनया गजनायक प्रभुवरा,
शुभकार्याच्या शुभप्रारंभी नमन तुला ईश्वरा ।। धृ ।।

प्रसन्न होऊन विघ्न हरावे,
        नम्र कलेचे सार्थक व्हावे,
तुझ्या कृपेने यशकिर्तीच बहर येऊदे घरा ।। १ ।।

वंदन करोनी तुझला देवा,
       रसीक जनांची करीतो सेवा,
कौतुक होऊन आम्हा मिळावा सन्मानाचा तुरा ।। २ ।।

थोर भाग्य हे महाराष्ट्राचे,
       पाईक आम्ही या भूमीचे,
महागणपती सिद्धीविनायक तुझा आम्हा आसरा ।। ३ ।।